Një avion ka rrëshqitur në pistën e fluturimit gjatë uljes në Baltimore të SHBA-ve, për shkak të ngricave dhe motit të keq.
Kompania “Spirit Airlines” ka treguar se nuk është shënuar asnjë dëm material, duke siguruar që udhëtarët janë shëndoshë e mirë.
Sipas mediave vendase, mësohet se aeroplani ka mundur të bëjë uljen, por goma e parme ka rrëshqitur mbi barin e mbuluar nga ngrica.
Sakaq aeroporti ka sqaruar se punëtorët e terminalit janë munduar përgjatë gjithë natës për të pastruar pistën, por përkeqësimi i motit është kthyer në një problem serioz.
SHBA-të po përballen prej disa ditësh me ulje drastike të temperaturave dhe mot të keq.
Tags
