Pothuajse një familje e tërë ka gjetur vdekjen tragjikisht pasi u përpoqën të shpëtonin motrat e tyre që u mbytën duke bërë një selfie.
Një vajzë 14-vjeçare ishte në mesin e gjashtë anëtarëve të familjes që thuhet se kanë vdekur gjatë vizitës në ujëvarën Ramdaha pranë District Korea, Indi.
Trupat më vonë u identifikuan si Shraddha Singh, 14 vjeç, Himanshu Singh, 18 vjeç, Shweta Singh, 22 vjeç, Abhay Singh, 22 vjeç, Rishabh Singh, 24 vjeç dhe Ratnesh Singh, 26 vjeç.
Surekha Singh, 22 vjeç, ishte i vetmi anëtar i familjes që i mbijetoi aksidentit tragjik.
Një dëshmitar okular pohoi se dy adoleshentet shkuan për të bërë një selfie në ujëvarë.
Sipas dëshmitarëve, dy motrat janë futur në ujë për të bërë një fotografi, por janë futur në telashe kur njërës prej tyre i rrëshqiti këmba. Më pas anëtarët e familjes hynë në ujë duke u kapur për dore, për të provuar ta ndihmonin, por fatkeqësisht u zhytën vetë në ujë.
Policia tha se grupi hyri në ujë pavarësisht një tabele që paralajmëronte vizitorët të mos laheshin.
Ngjarja ka ndodhur të dielën (28 gusht), ndërsa tre prej trupave janë gjetur të nesërmen. Trupat iu dorëzuan familjarëve.
Yogendra Singh, një banor i Gharauli, ishte pjesë e familjes, i cili fatkeqësisht humbi dy djemtë e tij, një dhëndër dhe tre nipër e mbesa.
Ai thotë se Ratnesh, djali i tij i madh, i cili së fundmi ka përfunduar studimet, ishte në prag të anëtarësimit në një kompani shumëkombëshe pasi mori një ofertë pune.
