Policia e Elbasanit gjen të braktisur mjetin tip “Porche Cayenne” i cili nuk iu bind urdhrit për të ndaluar mbrëmjen e se enjtes, 17 shtator 2020.
Policia e Elbasanit ishte vënë në ndjekje të këtij automjeti me targa AA 648 US, pas kontrolleve të rrepta që ishin vendosur në pikat kyce të qytetit për shkak ngjarjes së mëngjesit ku u ekzekutua me armë zjarri Bujar Çela, vëllai i të shumëkërkuarit për grabitjen e Rinasit, Talo Çela, informon gazetarja e Ora News, Edisona Skenderi.
Për disa orë policia ndoqi automjetin por nuk mundi të kapë personat që ishin në të. Mendohet se brenda mjetit kanë qenë dy persona të cilët pasi kanë shpëtuar ndjekjes së policisë kanë braktisur mjetin buzë shtratit të lumit Shkumbin.
Kanë nisur hetimet për pronarin e mjetit i cili ka deklaruar se mjetin e kishte dhënë me qira por nuk kishte nënshkruar kontratë me përdoruesit.
Dyshohet se ngjarja ka lidhje me ekzekutimin e Bujar Çeles.
