Ditën e nesërme në mesnatë ndryshon ora. Ndërrimi i akrepave të orës me një orë pas do të ndodhë natën mes të shtunës 30 dhe të dielës 31 tetor, kur akrepat do të zhvendosen nga ora 3:00 në 2:00.
Lexo edhe: Nesër akrepat kthehen një orë mbrapa
Por sipas ekspertëve ndryshimi i orës 2 herë në vit mund të sjellë pasoja për trurin dhe shëndetin tuaj. Kjo hipotezë lidhet me rritjen e rreziqeve shëndetësore si depresioni, obeziteti, ataku në zemër, kanceri dhe madje edhe aksidentet me makinë.
Në vitin 1997, u zbulua në laborator gjeni i parë cirkadian te gjitarët. Ndryshimi i orës mund të shkaktojë vonesa në funksionet cirkadiane, të cilat nga ana tjetër çojnë në mosfunksionime në aftësitë metabolike, të sjelljes dhe njohëse. Çdo qelizë në trupin tonë mban gjurmët e kohës dhe ndryshimet mund të shkaktojnë stres në trurin tonë dhe të shkaktojnë privim gjumi, çorientim dhe humbje të kujtesës. Mund të çojë gjithashtu në vështirësi me të mësuarit, ndërveprimet sociale dhe funksionin e përgjithshëm njohës.
Në vitin 2016, u zbuluan gjenet e para te minjtë që rregullojnë gjumin duke përdorur një metodë të paanshme. Me këtë njohuri, ne mund të fillojmë të kuptojmë pse gjumi është i rëndësishëm për shëndetin tonë dhe si të përmirësojmë gjumin për 15% deri në 20% të njerëzve në SHBA me çrregullime të gjumit – veçanërisht kur ndikojne faktorët mjedisorë si ndryshimi i orës.
Aksidentet fatale
Aksidentet fatale bëhen më të shpeshta pas ndryshimit të orës. Një studim i fundit tregoi se aksidentet fatale rriten me 6% dhe janë më të zakonshme në mëngjes, menjëherë pas ndryshimit të orës.
Rreziqet kardiovaskulare
Studime të shumta kanë treguar një rritje të sulmeve në zemër
pas ndryshimit të orës.
Humor i ulët dhe depresion
Në vjeshtë dhe dimër, shumë njerëz zakonisht kalojnë gjithë ditën brenda në punë ose në shkollë – ose në shtëpi. Në kohën kur ne i lëmë punët, tashmë është errësuar. Kjo do të thotë që ne kemi më pak ekspozim ndaj diellit, gjë që redukton sasinë e vitaminës D që prodhon trupi ynë. Nivelet e ulëta të vitaminës D janë të lidhura me humorin e ulët dhe depresionin, si dhe lodhjen, dhimbjet e muskujve dhe dobësimin e kockave. Ndërprerjet e gjumit mund të shkaktojnë gjithashtu një rrezik të shtuar të sëmundjeve mendore .
Më pak CO2 në atmosferë
Muajt që falë kohës së verës shënojnë kursimet më të mëdha të energjisë janë prilli dhe tetori, sërish sipas analizave të Terna-s. Puna përpara me një orë vonon përdorimin e dritës artificiale në një kohë kur aktivitetet e punës janë ende në lëvizje të plotë. Pasojat janë gjithashtu pozitive për sa i përket qëndrueshmërisë mjedisore: konsumi më i ulët i energjisë elektrike bëri të mundur shmangien e emetimeve të CO2 në atmosferë për rreth 215 mijë tonë. Ora verore do të rikthehet në fuqi nga data 27 mars 2022.
Ndarjet në Evropë
Në fuqi në BE që nga viti 1976, ndryshimi i orës ka qenë prej kohësh i diskutueshëm dhe në vitin 2019 Parlamenti Evropian votoi me një shumicë të madhe në favor të përfundimit të ndryshimit të orës nga viti 2021, kryesisht për shkak të rreziqeve shëndetësore që vijnë nga ndryshimet e kohës dy herë në vit. Çdo shtet anëtar është i lirë të zgjedhë nëse do të mbajë njërën apo tjetrën orë dhe disa vende, si Italia dhe Franca, priren t’ i mbajnë të dyja orët, si më parë.
