Nafta pa akcizë që shpërndahet nga ministria e bujqësisë nuk shkon e gjitha për fermerët që punojnë realisht tokat, shkruan A2 CNN. Një pjesë të mirë të kësaj nafte e përfitojnë persona që kanë në pronësi tokat, të cilat i kanë dhënë më qira te persona të tjerë.
E megjithëse ata nuk e punojnë tokën e tyre, përfitojnë naftë pa akcizë. Ndërsa fermerët që i marrin me qira këto toka nuk përfitojnë subvencionin e karburantit nga shteti. Një problematikë të tillë e hasin edhe fermerët e Maliqit, raporton A2 CNN.
Për kryetarin e bashkisë së Maliqit, naftën pa akcizë duhet ta përfitojnë ata fermerë që punojnë tokat. Ndërsa për drejtorin e Agjencisë Rajonale të Bujqësisë për Qarkun e Korçës, kjo është një problematikë që duhet të zgjidhet nga vetë fermerët në bashkëpunim me pronarët e tokave që i marrin me qira.
Në fushën e Maliqit ka më shumë se 130 fermerë të cilët kanë në përdorim një sipërfaqe më të madhe se 4200 hektarë tokë. (A2
