Interi bëri disa lëvizje në merkaton e janarit dhe Victor Moses ishte njëri prej tyre. Nigeriani ishte një kërkesë e Antonio Contes, i cili ka punuar dhe fituar me të te Chelsea.
29-vjeçari i linjës së djathtë, u huazua nga “Blutë e Londrës”, por aventura italiane nuk ka shkuar ashtu siç pritej. Vetëm 14 ndeshje (gjashtë si titullar), asnjë gol i shënuar dhe shumë probleme fizike.
Zikaltrit kanë vendosur të mos ushtrojnë të drejtën e blerjes, por afrikani pritet të vijojë të luajë në Serie A.
Calciomercato raporton se Roma e kërkon me ngulm dhe është afër arritjes së akordit me klubin e Premier League. /abcnews.al
