Teksa është gjetur trupi i pajetë i 32-vjeçarit Arjan Sala, i cili mbeti i bllokuar në një magazinë që u përfshi nga flakët në Tiranë, vëllai i tij ka bërë një mesazh prekës në rrjetet sociale.
Edmond Sala shpreh dhimbjen e madhe për vdekjen e të riut, ndërkohë që familjarët ndodheshin prej katër ditësh në ankt, për të mësuar diçka mbi fatin e 32-vjeçarit.
“O heroi im, me ike në lule të rinisë”, shkruan ndër të tjera Edmond Sala, i cili ishte vëllai i vetëm i viktimës. Vetë Arjan Sala la pas një djalë të vogël 2-vjeçar, bashkëshorten e tij, prindërit dhe vëllanë e vetëm.
Postimi i vëllait:
Po me digjet zemra o vellai im. Oooo zoooot ca me ke ber o zooot ca më ke bër kaq i ri më le vetëm edhe në fund ti dole hero ne zemrën time do jeshë gjersa të vdes edhe kur te vdes do iki me mendje tek ti me ike me le vetem para kohe.pas disa orësh kërkime nën rrënoja trupi jotë u gjet
Tani erdhi monenti për të then o vellai im o vëllai im o Heroj im o Heroj im me ike në lule të rinisë qofsh i xhenetit të qoft dheu i lehtë, oooo zoooot ca plage me ke shkaktuar ooo zot.
32-vjeçari Arjan Sala ka mbetur i bllokuar që prej pasdites së të mërkurës në një magazinë pranë një qëndre tregtare. Ai ishte përgjegjës i sigurisë, dhe në momentin që ka rënë zjarr ka hyrë për të shpëtuar persona të tjerë po ka mbetur vetë brenda.
Kërkimet për të nisën që prej të mërkurës, por mungesa e mjeteve të specializuara i bëri më të vështira kërkimet, ndërkohë që familjarët hodhën akuza në drejtim të zjarrfikëseve, që sipas tyre nuk kishin mjete.
Ata thanë se në rast se do të ishte ndërhyrë shpejt, mbase do të kishte mundësi që i riu të nxirrrej i gjallë nga magazina, e cila ishte e mbushur me materiale të ndryshme, veshjesh apo metalike, që lehtësuan përhapjen e flakëve.
Fax web
