Gazetari investigativ, Artan Hoxha, komentoi nga studio e Abc Live, operacionin e policisë spanjolle që u zhvillua sot në ambientet e një Call Center-i në Elbasan në bashkëpunim me Shqiponjat e dhe Policinë e Elbasanit.
Hoxha tha se operacioni i sotëm tregon se sa mosbesim kanë policitë e Bashkimit Evropian te policia shqiptare.
“Është një operacion i radhës. Kjo dëshmon se sa porozë jemi bërë për policitë e BE-së. Ata kanë mosbesim te ne, sa që janë detyruar të vijnë vetë këtu. Sot pamë një skuadër të plot të gardës civile spanjolle, e cila po kryente operacion në zemër të shqipërisë. Ky operacion në vazhdën e një serie operacionesh”, tha Hoxha.
Më tej Hoxha tha se call centerat janë kthyer në burimet kryesore e të ardhurave për të korruptuar policinë, dhe se garda spanjolle erdhi në Shqipëria pasi ka lokalizuar vetë vendin e call center.
“Policia spanjolle sot bëri kërkime në një call center në Elbasan. Një nga të ardhurat kryesore për të korruptuar policinë vjen për shkak të call centera ve ilegalë. Në fillim në Shqipëria erdhën gjermanet, amerikanët sepse qytetarët e tyre po mashtrohehsin nga call center në Shqipëri. Operacioni i sotëm i organizuar nga policia spanjolle, ka identifikuar saktëissht se ku është objekit që ka mashtruar qytetarët spanjollë, që kanë humbur shifra marramendëse nga mashtrimet e call center. Operatorët nuk kanë faj. Objekti i operracioneve nuk janë operatorët por drejtuesit”, tha Hoxha./abcnews.al/
