Forca të shumta policie ndodhen në vendin ku ka pasur të shtëna me armë dhe dyshohet të ketë jetë bërë atentat.
Ngjarja është shënuar rreth orës 23:00 minuta në autostradën Tiranë Durrës përballë “DHL”.
Mësohet se është qëlluar ndaj një automjeti dhe raportohet se një person ka mbetur i vdekur, në atë që duket si një atentat.
Tiranë/Informacion paraprak
Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve.
Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
Shenim: Raportoi gazetari i Ora News, Edison Vatnikaj
