Kulla Eifel dhe zona përreth në kryeqytetin francez u evakuuan sot si masë paraprake pas një kërcënimi me bombë, raportoi gazeta Le Parisien, duke cituar një burim policor.
Një ekspert për asgjësimin e bombave u dërgua në vendngjarje, tha gazeta franceze.
Evakuimi, i cili filloi rreth mesditës, ka të bëjë me tre katet e monumentit, duke përfshirë restorantin e kullës, si dhe oborrin, shtoi zëdhënësi. Të gjithë vizitorët ishin evakuuar pak pas orës 13:30.
