Pas arrestimit të Shefit të Krimeve në Komisariatin e Gjirokastrës, Alfred Kondi, mësohet se AMP ka vënë në pranga për të njëjtën çështje edhe një doganier në pikën kufitare të Kakavijës.
Për këtë rast është shpallur në kërkim edhe shoferi i ish-drejtorit të Policisë Gjirokastër.
Burime pranë AMP thonë se operacioni është në vijim e sipër dhe janë disa efektivë emrat e të cilëve janë të përfshirë në listën e atyre ndaj të cilëve është dhënë masa e sigurisë së arrestit.
Paraprakisht akuza është ajo e shpërdorimit të detyrës. Sipas informacioneve të A2 CNN, të gjithë këta persona janë nën hetim prej 6-7 muajsh. (A2 Televizion)
