Pasi ka mbaruar kampionati në serinë A, për Zlatan Ibrahimovic ka ardhur momenti për pak relaks. Pasi ka qenë protagonist në fushën e futobollit me bluzën e Milanit, ai shijon disa momente zbavitëse në bordin e një yahti së bashku me familjen.
Futbollisti po pushon pranë Brigjeve të Kaltra, por nuk arrin t’i shpëtojë syrit të paparacëve teksa bën stërvitje dhe zhytje akrobatike me bashkëshorten Helena Seger. Me një trup të skalitur, këmbë gjithë muskuj dhe krahë të fortë, Ibra ka një fizik për tu admiruar të cilin e tregon me krenari. Me rrobe plazhi teksa tregon muskujt dhe tatuazhet e tij performanca e tij ne det transformohet në një skenë që të lë me gojë hapur.
Nuk është rastësi që pikërisht ai është zgjedhur si imazh në një applikacion për fitness në shtëpi, së bashku me Diletta Leotta, me të cilën u përfol edhe për një feeling. Por në të vërtetë Ibrahimovic nuk sheh askënd tjetër veç bashkëshortes së tij të bukur Helena, me të cilën janë bashkë prej pothuajse 20 vitesh.
Në bordin e yahtit të dy shijojnë pushimet në Saint Tropez në shoqërinë edhe të dy djemve Maximilian dhe Vincent, që së bashku me babain zbaviten me zhytje dhe akrobaci. Edhe në rrjetet sociale Ibra ka shpërndarë një video që e shoqëron me komentin: ”Luan në tokë, peshkaqen në det’.
Balkan web
