Është zbardhur dëshmia e babait që ka plagosur me thikë djalin e tij në fshatin Vreshtas të Maliqit.
Mësohet se babai Shpëtim Çuka ka thënë se e ka plagosur të birin, pasi ky i fundit nuk donte të shkonte në shkollë dhe qëndronte në telefon.
“Me djalin u konfliktova se nuk donte të shkonte në shkollë, unë i thoja ikë se vajti ora, ai rrinte në telefon. Ishim duke u grindur sepse nuk po më dëgjonte, nuk donte të shkonte në shkollë.
I thashë disa herë dhe më pas kisha një biçak në dorë dhe e godita”, ka deklaruar babai.
Kujtojmë që djali është plagosur në brinjë dhe pasi ka marrë ndihmën mjekësore ndodhet jashtë rrezikut për jetën./abcnews.al
