Chelsea siguroi një fitore shumë të rëndësishme ditën e sotme, duke mposhtur Aston Villën në transfertë me rezultatin 2-1.
Ishte një ndeshje me të vërtetë spektakolare, për mënyrën se si rrodhi ngjarja.
Të besuarit e Lampard ishin dominues gjatë gjithë kohës dhe kërkonin me ngulm golin, por të parët që shënuan ishin vendasit me anë të Hauz në minutën e 43-të.
Me këtë rezultat u mbyll pjesa e parë, ndërsa e dyta nisi përsëri me dominimin e miqve.
Pas shumë tentativave, Chelsea ia doli të gjejë rrugën e rrjetës në minutën e 60-të, kur Pulisic shfrytëzoi shumë mirë një krosim të marrë nga Azpilikueta, për ta dërguar topin në rrjetë.
Vetëm 1 minutë më vonë, ishte Giroud që përmbysi rezultatin, i cili pas një pasimi të marrë përsëri nga Azpilikueta, lëvizi bukur në zonë dhe mposhti portierin kundërshtar.
Këtë avantazh Chelsea e mbrojti deri në fund të ndeshjes, për të marrë një fitore shumë të rëndësishme, e cila e çon në kuotën e 51 pikëve në vendin e 4-t, me 5 pikë më shumë se Manchester United i vendit të 5-të.
SYRI.net
