Dy adoleshentë që ishin kthyer në makthin e banorëve në Kamëz janë arrestuar nga policia. Uniformat blu bëjnë me dije se janë prangosur E. K., 18 vjeç, banues në Kamzë dhe M. K., 16 vjeç banues në Kamzë.
Policia sqaron se ka marrë informacione se dy adoleshentë qarkullonin me një armë zjarri me vete dhe qëllonin në ajër, në urën e lumit Çekrez, duke u kthyer në shqetësim dhe rrezik për banorët.
Gjatë operacionit, 16-vjeçari M. K. është kapur në flagrancë duke qarkulluar me një armë zjarri pushkë me një krehër me 20 fishekë, së bashku me shtetasin E. K. Në banesën e këtij të fundit policia gjeti dhe sekuestroi edhe një armë zjarri pistoletë.
Njoftimi i policisë:
Qarkullonin me armë zjarri me vete, qëllonin në ajër në orët e vona të natës, duke u kthyer në shqetësim dhe rrezik për banorët, falë ndërhyrjes në kohë e me profesionalizëm nga Policia, gjatë operacionit policor të koduar “Adoleshentët”, u kapën dhe u vunë në pranga dy adoleshentët, pa shkaktuar probleme.
Sekuestrohen dy armë zjarri (pushkë dhe pistoletë).
Shërbimet e Komisariatit të Policisë Nr.5 kanë marrë informacione se dy adoleshentë qarkullonin me një armë zjarri me vete dhe qëllonin në ajër, në urën e lumit Çekrez, duke u kthyer në shqetësim dhe rrezik për banorët.
Menjëherë, shërbimet e Policisë organizuan dhe finalizuan operacionin policor të koduar “Adoleshentët”, në kuadër të të cilit, falë profesionalizmit të punonjësve të Policisë, u bë i mundur lokalizmi, kapja dhe arrestimi, pa shkaktuar probleme, i shtetasve:
E. K., 18 vjeç, banues në Kamzë dhe M. K., 16 vjeç banues në Kamzë, i arrestuar dhe i proceduar disa herë për vjedhje, armëmbajtje pa leje dhe dhunë në familje.
Gjatë operacionit, shtetasi M. K. është kapur në flagrancë duke qarkulluar me një armë zjarri pushkë me një krehër me 20 fishekë, së bashku me shtetasin E. K.
Shërbimet e Policisë, pas kontrollit në banesën e shtetasit E. K., gjetën dhe sekuestruan edhe një armë zjarri pistoletë.
Materialet hetimore i kaluan për veprime të mëtejshme, Prokurorisë së Rrethit Gjyqësor Tiranë, për veprat penale “Armëmbajtja pa leje” dhe “Prishja e qetësisë publike”.
g.v/abcnews.al
