Kryeministri Rama ditën e sotme do të fluturojë për në Bruksel ku do të zhvillojë një takim me Përfaqësuesin e Lartë të Bashkimit Evropian për Politikën e Jashtme, Josep Borrell dhe Komisioner Evropian për Fqinjësinë dhe Zgjerimin Oliver Várhelyi.
Të pranishëm do të jenë edhe presidenti malazez Milo Gjukanoviq, presidenti serb Aleksandër Vuçiç, kryetari i Këshillit të Ministrave të BiH Zoran Tegelti, kryeministri i Maqedonisë së Veriut Dimitar Kovaçevski dhe ministrja e Jashtme e Kosovës Donika Gervala Schëartz.
“Blic” shkruan se Borrell është organizatori i darkës jo formale për ldierët e Ballkanit Perëndimor.
Ende nuk është bërë e ditur zyrtarisht se cilat mund të jenë temat konkrete të bisedimeve, por Ballkani Perëndimor me perspektivën e tij evropiane sigurisht që do të jetë në rend dite.
Edhe zëdhënësi i BE-së, Peter Stano, ka konfirmuar se darka do të mbahet, duke theksuar se është një darkë tradicionale, e cila organizohet një herë në vit nga shefi i diplomacisë së BE-së.
Sipas Tanjug në fokus të diskutimeve do të jetë edhe lufta në Ukrainë, pasojat e agresionit rus dhe siguria rajonale dhe evropiane.
Tradita e organizimit të darkave me liderë nga Ballkani Perëndimor është iniciuar nga ish-kreu i diplomacisë së BE-së, Federica Mogherini, si një mënyrë për të inkurajuar dhe përmirësuar bashkëpunimin brenda rajonit dhe BE-në.
Liderët nga Ballkani Perëndimor janë planifikuar do të mbajnë një konferencë para medieve.
Agjenda e plotë
Ora 08.15 mbërrija e delegacionit(transmetim i drejtpërdrejtë)
09.00
Fillimi i Konferencës VI të Brukselit për Mbështetjen e së ardhmes së Sirisë dhe rajonit – Takimi ministror
Seanca e mëngjesit (e hapur)
– Fjala e hapjes nga Kryesuesi i Konferencës: Z. Josep Borrell Fontelles, Përfaqësues i Lartë i Bashkimit Evropian për Politikën e Jashtme dhe Zëvendës President i Komisionit Evropian
– Diskutimi nga vendet që strehojnë numrin më të madh të refugjatëve sirianë në rajon
– Ndërhyrje nga përfaqësues të Shoqërisë Civile
11.15
Foto familjare në transmetim të drejtpërdrejtë
11.30
Konferenca për shtyp në transmetim të drejtpërdrejtë
Seanca e pasdites pjesa I (sesioni I hapur)
– Fjala e hapjes nga Kryesuesi: Z. Oliver Várhelyi, Komisioner Evropian për Fqinjësinë dhe Zgjerimin
– Deklaratat dhe shpalljet e zotimeve nga delegacionet pjesëmarrëse
+/- 15.30
Seanca plenare e pasdites pjesa II (sesioni publik)\
– Deklaratat dhe shpalljet e zotimeve nga delegacionet pjesëmarrëse
17.30
Komentet përmbyllëse në transmetim të drejtpërdrejtë./
