Real Madridi raportohet se po planifikon një ofertë të madhe për të thyer rekordin e tyre të transferimeve dhe për të krijuar një “super skuadër” që do të rivalizonte “Galaktikët”.
‘Los Blancos’ tashmë kanë në radhët e tyre disa prej yjeve më të njohur në botën e futbollit, duke përfshirë Jude Bellingham, i cili u transferua sezonin e kaluar për 113 milionë euro.
Bellingham u bë blerja e dytë më e shtrenjtë në historinë e klubit, pas Eden Hazard, i cili kushtoi 120 milionë euro në vitin 2019.
Sipas mediumit spanjoll Fichajes, Real Madridi është i gatshëm të ofrojë plot 200 milionë euro për të transferuar Erling Haaland nga Manchester City.
Ky lajm vjen pas spekulimeve se njëri nga dyshja braziliane, Rodrygo ose Vinicius Junior, mund të largohet nga Madridi në të ardhmen.
Nëse ndodh kjo, presidenti Florentino Perez planifikon të plotësojë boshllëkun e krijuar me nënshkrimin e Haaland, i cili mbetet objektivi kryesor i klubit.
