Këngëtarja e njohur, Rihanna vitet e fundit nuk është aq aktive në projekte të reja muzikore, por në rrjete sociale ajo është mjaftë aktive, ku publikon fotografi e video nga jeta e saj e përditshme.
Së fundmi, 33-vjeçarja pozoi me një palë të brendshme me ngjyrë të gjelbër, teksa bënte lëvizje provokuese para kamerës.
Në videon e publikuar në rrjetin social “Instagram”, Rihanna shihet duke ecur nëpër një shkallë gjatë natës, në sfondin e palmave, në lëvizjen e saj flirtuese.
Përndryshe, albumi i fundit i Rihanna ‘Anti’ u publikua pesë vjet më parë në 2016 dhe për ata adhurues që dëshirojnë këngë të reja nga ikona pritja mund të mbarojë së shpejti, kjo pasi Rihanna kohët e fundit ka qenë e zënë me xhirimet e një videoklipi të ri me të dashurin A$AP Rocky.
