Rita Ora është akuzuar se ka shkelur rregullat e distancimit social pasi organizoi një festë për 30-vjetorin e lindjes të shtunën. Sipas “The Sun”, këngëtarja kishte ftuar 30 miq në një restorant në Notting Hill, mes të cilëve ishin Cara dhe Poppy Delevingne si dhe motra e saj, Elena.
Një burim tha për gazetën britanike: “Rita dhe motra e saj erdhën të parat në restorant. Kishte një numër të ftuarish, të gjitha të veshura shumë glamour dhe hynë në ndërtesë nga pas, me sigurinë duke parë në pjesën e përparme për t’u siguruar që askush tjetër të mos hynte brenda.”
Policia konfirmoi se ishte denoncuar një shkelje e rregullave të shtunën në këtë zonë. Udhëzimet aktuale të qeverise britanike theksojnë shmangien e kontakteve fizike mes personave që nuk ndajnë të njëjtën shtëpi si dhe shmangien e takimeve në ambiente të mbyllura. /abcnews.al
