Kryeministri Edi Rama dhe Linda Rama kanë festuar ditën e djeshme 10-vjetorin e tyre të martesës.
Kreu i qeverisë ka treguar një anë tjetër që shumë pak persona mund ta njohin- pikërisht faktin që është romantik.
Ai ka ndarë një foto në rrjetet sociale ku shihet me Lindën, duke shkëmbyer një puthje, teksa i ka dhuruar asaj edhe një buqetë me lule.
Ata i thanë “po” njëri-tjetrit në 25 tetor të 2010 në një ceremoni me mbi 500 të ftuar të mbajtur në një nga restorantet e njohura të Tiranës.
Lajmi i martesës asokohë doli rrufeshëm një javë përpara dasmës sepse Rama dhe Linda arritën ta mbanin historinë e tyre larg vëmendjes së publikut deri në momentin kur nisën të shpërndaheshin ftesat e para të martesës.
Tashmë ata kanë një djalë së bashku, Zaho, i cili u lind më 24 korrik të 2014, dhe është vëlla i vogël i dy fëmijëve që ata kishin nga marrëdhëniet e mëparshme: Greg dhe Rea.
icon style
