Bllokohet rruga nacionale Elbasan-Librazhd në disa segmente në vendin e quajtur kthesat e Murrashit.
Në të dyja anët e aksit ka rradhë në më shumë se 6 Kilometra të makinave të cilat kanë mbetur të bllokuara në trafik.
“Kthesat e Murrashit” është zona më problematike e këtij aksi dhe vazhdimisht ka pasur rrëshqitje dherash dhe gurësh, por situata që është krijuar ditën e sotme është problematike pasi sasia e inerteve ka rrëshqitur në disa vende.
Qarkullimi i mjeteve bëhet më i vështirë pasi në këtë aks ka prani të lartë të kamionëve.
