Bonusi financiar prej 40 mijë lekësh është drejt përfundimit të lëvrimit dhe deri më 25 qershor, janë më shumë se 168 mijë përfitues.
Të dhënat e publikuara nga Ministria e Financave, bëjnë më dije se janë vetëm 795 punonjës që ende janë në pritje.
Por cilat janë kategoritë që kanë përfituar më së shumti nga paga e luftës?
Në vend të parë rënditen punonjësit e biznesit të vogël, të cilët kapin shifrën e rreth 66 mijë përfituesve, ndërsa më pak të mbështeturit janë punonjësit e sektorit të turizmit.
Nga biznesi i madh, janë më pak se 10 mijë punonjës që kanë përfituar, ndërsa pritet që lëvrimet e pagës edhe për një numër të vogël punonjësish të tjerë.
Nga bonusi i dytë financiar ishte parashikuar që të përfitonin 176 mijë punonjës, por me zgjerimin e VKM, përfitues janë 210 mijë punonjës.
Ndërkohë, Drejtoria e Përgjithshme e Tatimeve është në proces shqyrtimi ankesash dhe të formularëve të dorëzuar nga biznesmenët që nuk kanë aplikuar për pagë lufte për punonjësit e tyre.
oranews
