Bashkimi Europian është i gatshëm të ndalojë hyrjen e amerikanëve në vendet anëtare pasi Shtetet e Bashkuara të Amerikës nuk kanë arritur ta kontrollojnë pandeminë e koronavirusit, raportoi New York Times nga Brukseli të martën (23 qershor), duke cituar draft listat e udhëtarëve që pranohen.
Shtetet e Bashkuara, të cilat kanë numrin më të lartë të rasteve me Covid-19 dhe po përjetojnë një rritje të infeksioneve të reja, do të ishin në të njëjtën kategori me pikat e nxehta, si Brazili dhe Rusia, sipas Times, duke cituar propozimin.
Ndërkohë nga shtëpia e Bardhë nuk ka pasur ende një deklaratë lidhur me këtë çështje.
Një diplomat i BE tha se Komisioni Ekzekutiv i bllokut kishte propozuar tre kritere për lejimin e udhëtarëve nga vendet e treta, përfshirë situatën epidemiologjike prej nga vijnë, por vendet anëtare të BE-së do të duhet të përcaktojnë cilat duhet të jenë matjet dhe pragjet përkatëse.
“Nuk ka asnjë listë (të vendeve), thjesht një listë të kritereve,” i tha një diplomat tjetër i BE-së Reuters.
Diplomati i dytë tha se vendet anëtare po konsideronin përdorimin e shkallës së infeksionit të një vendi për 100,000 njerëz për të vendosur nëse do të lejonin udhëtarët, por nuk kishte rënë dakord akoma në cilin prag për të vendosur këtë kriter. Pragu gjithashtu do të duhej të jepte llogari për faktorët që ndikojnë në besueshmërinë e këtyre të dhënave, siç është aftësia e testimit COVID-19 e një vendi.
Në fillim të këtij muaji, Komisioni Evropian rekomandoi që blloku gradualisht të rihapë kufijtë e tij për udhëtarët nga muaji korrik dhe të përdorë tre kritere për të vendosur se cilat vende do të lejojnë vizitorët nga: vendet duhet të kenë COVID-19 nën të paktën po aq kontroll sa BE mesatarisht, kanë masa të përmbajtjes gjatë udhëtimit dhe do të jenë të gatshëm t’i lejojnë vizitorët në BE.
Shtetet e BE-së do të diskutojnë mbi kriteret ditën e sotme, megjithëse nuk ka asnjë garanci se atëherë do të merret një vendim.
Në mars, kur rastet ishin në rritje në Evropë, Trump ndaloi shumicën e qytetarëve të BE-së të hynin në Shtetet e Bashkuara në një përpjekje për të frenuar shpërthimin atje, duke zemëruar zyrtarët e BE-së.
Ora news
