Ish-kryeministri Sali Berisha bën thirrje për protesta masive. Nga Elbasani ku organizoi “Foltoren” e radhës, lideri historik i së djathtës shqiptare u kërkoi demokratëve që të përgatiten për protestat më të fuqishme për të larguar qeverinë.
Referuar debatit për rritjen e çmimeve, ai i bëri thirrje Edi Ramës që të mos luajë me kafshatën e shqiptarëve.
“Ne duhet të përgatitemi për protestat më të fuqishme që ka njohur vendi. Protestë, protestë dhe vetëm protestë. Dhe Edi Rama, duhet ta dish mirë, se kur të ngrihemi ne në këmbë nga rruga nuk shqitemi pa të hedhur ty aty ku e meriton.
Mos luaj me kafshatën, se shqiptarët paguajnë kafshatën 80 herë më shtrenjtë se qytetarët e BE-së. Në do të ngrihemi në këmbë si opozitë e vërtetë, që do i tregojmë vendin siç ja treguam në ’90. Ftoj demokratët të përgatitemi për një betejë gjer në fitoren tonë të plotë, të merituar” tha Berisha
Për të gjitha këto ne duhet t’i themi këto fjalë: Ne duhet të përgatitemi për protestat më të fuqishme që ka njohur vendi. Protestë! Protestë dhe vetëm protëestë. Dhe Edi Rama do ta dish mirë se kur të ngrihemi ne në këmbë në protestë, nga rruga nuk shqitemi pa të hedh aty ku e meriton. Mos luaj me çmimet, me kafshatën, se shqiptarët e paguajnë kafshatën 80 herë më shumë se ata në Europë. E paguajnë naftën njësoj si qytetarët e Zvicrës. Mos luaj me shqiptarët, mos luaj me çmimet. Ne do ngrihemi në këmbë. Ne po ngrihemi në këmbë si opozitë e vërtetë,. Do t’i tregojmë vendin siç i treguam në vitin 90 etërve të tyre. Ftoj demokratët të përgatitemi për një betejë deri në fitoren e plotë.
