Pritet që në orën 17:30, deputeti demokrat Ervin Salianji të vetëdorëzohet në Drejtorinë e Policisë së Tiranës, një ditë pas vendimit të Gjykatës së Apelit që e dënoi me 1 vit heqje lirie.
Pas vetëdorëzimit, Salianji do të firmosë aktet proceduriale, më pas nga Drejtoria e Tiranës do të dërgohet në bllokun e sigurisë në rrugën “Mine Peza”, më pas ai do të dërgohet në burgun e Fierit.
Sipas vendimit të Gjykatës, Salianji do të vuajë dënimin me 1 vit heqje lirie në një burg të sigurisë së zakonshme.
