Valter Hamataj, njëkon fermer ish emigrant zotëron 1,2 hektarë me sera në zonën e Kafaraj në Bashkinë Fier.
Si shumica e banorëve në këtë zonë edhe familja Hamataj e siguron jetesën me kultivimin e luleshtrydhes. Këtë vit ka prodhim të mbarë, por çmimi nuk i la të kënaqur pas vjeljes.
Sa i përket ndihmës nga skemat subvencionuese, fermeri thotë se janë të papërfillshme.
“Janë shumë pak të papërfillshme…ky plastmasi ka 8 vjet qe s’ndërrohet”, fermeri Valter Hamataj.
Por vështirësia e madhe për këtë fermer dhe shumë të tjerë është mungesa e krahut të punës. Edhe pse janë biznese kryesisht familjare, këto serra duan krah pune shtesë në kohën e vjeljes, ndaj këtë vit Valter Hamataj ka frikë se prodhimi do t’i mbesë në serra.
“Të na sjellin afrikanë siç ikim dhe ne jashtë shtetit”, tha Hamataj.
Vitin e kaluar sasia e luleshtrydheve e prodhuar në këtë serrë shkoi ne 70 tonë, me destinacion tregun vendas kryesisht në Korçë e Sarandë.
Top Channel
