Goditet një tjetër rast i veprimtarisë së paligjshme të lojërave të fatit në Shijak.
Policia ka arrestuar në flagrancë një 26-vjeçar, për veprat penale organizimi i lotarive të palejuara dhe vënia në dispozicion e lokaleve për lojëra të palejuara.
“Specialistët për Hetimin e Krimeve në Komisariatin e Policisë Shijak, në vijim të kontrolleve për evidentimin dhe goditjen e veprimtarisë kriminale në fushën e lojërave të fatit, konstatuan se në një lokal në fshatin Ardhishtë, Shijak, ushtrohej aktiviteti i paligjshëm i lojërave të fatit.” – njofton policia.
26-vjeçari M. R., banues në fshatin Ardhishtë, Shijak, është administratori i lokalit.
Gjithashtu, janë sekuestruar një telefon celular dhe një monitor që shërbenin për vënien e basteve sportive të palejuara.
Materialet i kaluan Prokurorisë së Rrethit Gjyqësor Durrës, për veprime të mëtejshme.
/Ora News
