Goditet një tjetër rast i shpërndarjes së drogave të forta në doza të vogla në Elbasan.
Policia ka arrestuar në flagrancë dy të rinj, ndërsa u është sekuestruar lëndë narkotike, 2 aparate celular, një peshore e vogël elektronike dhe para të përfituara nga shitja e lëndës narkotike.
Në pranga ranë shtetasit S. B., 31 vjeç dhe E. Z. (D), 33 vjeç, të dy banues në Elbasan.
“Arrestimi i këtyre shtetasve u bë pasi në lagjen “28 Nëntori”, Elbasan, gjatë kontrollit fizik të ushtruar ndaj tyre dhe gjatë kontrollit të ushtruar në banesën e shtetasit E. Z. (D), shërbimet e Policisë gjetën dhe sekuestruan në cilësinë e provës materiale doza me lëndë narkotike të dyshuar kokainë, 2 aparate celularë, një peshore të vogël që shërbente për peshimin e lëndës narkotike dhe një sasi parash të përfituara nga shitja e lëndës narkotike” njoftoi policia.
Materialet i kaluan Prokurorisë së Rrethit Gjyqësor Elbasan, për veprën penale “Prodhimi dhe shitja e narkotikëve”.
