Christian Eriksen i ka trembur të gjithë në ndeshjen Danimarkë-Finlandë. Ai ka rënë pa ndjenjë në tokë dhe në fushë kanë zbritur mjekët.
Ndeshja është ndalur dhe nuk dihet ende gjendja e mesfushorit të Interit
Momente paniku, lojtarët dhe tifozët u panë në lot në ato momente.
Gjendja e danezit duket disi më e mirë, në fushë u fut edhe partnerja e tij. Ajo shikohet duke u qetësuar nga Kjaer dhe portieri Schmeichel.
UEFA, duke parë situatën e krijuar, vendosi të pezullojë ndeshjen Danimarkë-Finlandë, që kishte nisur prej orës 18:00.
Tifozeritë e të dyja ekipeve kanë kënduar në kor emrin e Christian Eriksen, ccka u vu në dukje edhe nga presidenti i UEFA-s, Aleksander Ceferin.
“Momente të tilla vënë jetën si përparësi. I uroj shërim të plotë dhe të shpejte Christian, si dhe lutem që familja e tij të ketë forcë dhe besim.
Në këtë moment uniteti i familjes së futbollit është aq i fortë dhe familja e tij i mbajnë me vete dëshirat e mira dhe lutjet e të gjithëve.
Kam dëgjuar tifozët e të dyja ekipeve që brohorisnin emrin e tij. Futbolli është i bukur dhe Christian e luan bukur atë”, është shprehur Ceferin.
/abcnews.al
