Një shpërthim më tritol ka tronditur Lezhën në orët e para të mëngjesit të kësaj mërkure.
Një sasi lënde plasëse i është vendosur zyrës noteriale të noterit Fran Gjoni, e cila ndodhet ne qendër të qytetit pranë sheshit “Gjergj Kastrioti”.
Nga shpërthimi janë shkaktuara dëme të vogla materiale, ndërsa referuar pamjeve të kamerave të sigurisë kanë qenë dy persona të cilët kanë vendosur lëndën plasëse dhe janë larguar.
Policia ka nisur hetimet në lidhje me rastin e sulmit me lëndë plasëse të noterit Fran Gjoni, i cili është vëllai i ish-gjyqtarit Gjin Gjoni, i cili prej një viti është bërë pjese e politikes si kryetar i Partisë Demokratike në Lezhë.
“Rreth orës 04:00 jemi njoftuar se në qytetin e Lezhës, para derës së zyrës noteriale të shtetasit F. Gj, 57 vjeç, është hedhur një sasi e vogël lëndë eksplozive, e cila ka shpërthyer, duke shkaktuar dëme materiale.
Grupi hetimor vijon punën për zbardhjen e rrethanave të ngjarjes, identifikimin dhe kapjen e autorit”-njofton policia.
Top Channel
