Një grup të burgosurish shqiptarë në burgun Lorusso dhe Cutugno dhunuan rëndë një të dënuar maroken.
Ngjarja, që ndodhi në 30 gusht, u raportua nga sindikata Osapp , e cila flet hapur për një “luftë midis bandave”, ku përfshihen të burgosur të kombësive të ndryshme.
Sulmi i shqiptarëve dyshohet se ndodhi për hakmarrje, pasi të enjten e kaluar grupi i marokenëve kishin rrahur dhe shpërfytyruar një prej të burgosurve shqiptarë
Sipas Osapp, rreth dyzetë shqiptarë përfituan nga ndërrimi i turnit të policëve të burgut dhe u ngjitën në katin e katërt, ku pasi sulmuan punonjësit, u morën çelësat e qelive, duke arritur në dhomën e të burgosurit maroken.
Dy policë mbetën të plagosur, një prej të cilëve duket se është goditur nga një krevat dhe ka pësuar një thyerje të brinjës.
“Për të njëqindtën herë, e gjejmë veten duke deklaruar se burgu i Torinos është tërësisht ‘në duart e të burgosurve’. Në luftën mes bandave, efektivët e policisë janë krejtësisht të pafuqishëm dhe të paaftë për të reaguar në kohë, siç tregohet nga vjedhja e çelësave”, shprehet sekretari i përgjithshëm i Osapp, Leo Beneduci.
Top Channel
