Një burrë shqiptar i përfshirë në një fabrikë të madhe profesionale dhe tregtare” të kanabisit u arrestua nga policia.
Rreth 278 bimë janë sekuestruar, ndërsa shqiptar Shkëlzen Gashi u arrestua.
Kur u paraqit në gjykatë, ai këmbënguli se nuk ishte ai që vendosi operacionin e rritjes së drogës në ish-restorantin kinez “Lotus” në Grimsby, i cili më vonë u përfshi nga flakët.
Gashi, i cili është shqiptar, u shfaq në paraburgim përmes një lidhjeje video para Gjykatës së Grimsby dhe foli me ndihmën e një përkthyesi.
Një urdhër kërkimi u ekzekutua nga Policia e Humberside në ambientet dhe oficerët gjetën një fabrikë kanabisi, si dhe zbuluan se furnizimi me energji elektrike po vidhej.
Kishte 278 bimë kanabisi nëpër disa dhoma të katit të parë dhe bodrumit. Një numër dhomash të tjera ishin përgatitur për përdorim të ngjashëm me rritjen e bimëve.
U gjetën pajisje për përdorim në prodhimin e kanabisit, si dhe një telefon celular. Ndërkohë, një shumë e madhe parash u gjetën në xhaketën e Gashit.
Gashi do të dënohet së shpejti dhe u mbajt më tej në paraburgim.
Ai mund të përballet me burg ose me një dënim me kusht.
Ditë pasi u zbulua fabrika e kanabisit, pati një zjarr të madh në ndërtesë.
Syri
