Mbledhja e informacionit në kuadër të CENSIT të Popullsisë dhe banesave do të shtyhet me dy javë.
Drejtoresha e INSTAT, Elsa Dhuli deklaroi se grumbullimi i të dhënave do të vijojë në mënyrë që procesi të jetë sa më i plotë. Anketimi për Censin duhej të përfundonte në 30 tetor ndërsa shtyrja e afatit nuk ka kosto shtesë.
Shkak i shtyrjes janë vizitat e detyrueshme deri në 3 herë pranë familjeve si dhe procesi i rindërtimit në kuadër të cilit ka pasur ndërtime dhe infrastrukturë.
Drejtoresha Elsa Dhuli vlerësoi ecurinë pozitive por pranoi se ka pasur dhe raste refuzimi nga familjet për plotësimin e censit.
Pas përfundimit të anketimit në terren do të nisë faza e përpunimit të dhënave ndërsa rezultat e para pritet të publikohen vetëm në pranverën e vitit të ardhshëm./abcnews.al
