Një grabitje e dhunshme në një dyqan bizhuterish mori një kthesë dramatike kur pronari i biznesit u përball drejtpërdrejt me autorët e armatosur me mjete thyerjeje, duke i qëlluar me armë ndërsa ata përpiqeshin të iknin
Ngjarja ndodhi të enjten e kaluar në Olivia’s Fine Jewelry në qytetin Madera. Pamjet e kamerave të sigurisë tregojnë pesë persona të maskuar dhe me doreza teksa hyjnë me forcë në dyqan dhe fillojnë të thyejnë vitrinat me mjete të forta, duke marrë bizhuteri me vlerë të lartë. Sipas videos, vetëm pak çaste më vonë pronari i dyqanit del nga pjesa e pasme i armatosur dhe hap zjarr ndaj grabitësve, të cilët nisin të largohen me nxitim. Pavarësisht të shtënave, autorët arritën të iknin me bizhuteri me vlerë rreth 170,000 dollarë.
“Nga këndvështrimi i familjes, kjo ka qenë tmerruese. Dyqani është biznes familjar dhe shumica e punonjësve janë të afërm. Grabitja dukej qartë e planifikuar mirë. Këta individë nuk duket se e kanë bërë këtë për herë të parë,” deklaroi një zëdhënës i policisë së Maderës. Autoritetet po vijojnë hetimet dhe po punojnë për identifikimin e pesë personave të përfshirë në grabitje.
