Ivan Perisiç u rikthye tek Interi, pas huazimit tek Bajern Mynihu. Kroati mbylli një sezon mjaft të mirë me bavarezët, ku fitoi Bundesligën, Kupën e Gjermanisë dhe Championsin.
Mesfushori ka qenë i lidhur me disa skuadra, përfshirë Mançester Junajtid dhe PSG-në. Por para ndeshjes kundër Fiorentinës, trajneri i Interit, Antonio Konte tha se Perisiç është rikthyer me shumë entuziasëm. “Jam i lumtur për Ivanin sepse vjen pas një ekperience fantastike me Bajernin, ku fitoi tre trofe. Tani ai është rikthyer me shumë dëshirë për të luajtur me Interin dhe unë jam shumë i lumtur të shikoj këtë dëshirë.
Kur ke këtë dëshirë dhe entuziasëm kaq të madh, e bën më të lehtë punën e trajnerit”, përfundoi Konte.
PANORAMASPORT.AL
