Një asteroid me përmasa të konsiderushme do të kalojë këtë fundjavë mes Tokës dhe Hënës, ku pika më e afërt do të jetë mbrëmjen e së shtunës. Siaps shkencëtarëve nëse ai do të goditiste planetin, do të shkatërronte një qytet të tërë.
Një asteroid do të kalojë midis orbitave të Tokës dhe Hënës këtë fundjavë.
Objekti i quajtur 2023 DZ2 u zbulua një muaj më parë.
Është e rrallë që një asteroid kaq i madh – që vlerësohet të jetë midis 40 dhe 90 metra në diametër – të afrohet kaq afër planetit.
Sipas shkencëtarëve nëse do të binte në tokë, asteroid do të shkatërronte një qytet të tërë. Por fatmirësisht një gjë e tillë nuk do të ndodhë.
Pika më e afërt e tij me Tokën do të jetë mbrëmjen e së shtunës në orën 20:49, me një distance prej 175,000 km.
Sipas NASA-s, është një mundësi e rëndësishme për astronomët që të rrisin njohuritë e tyre për asteroidët, në rast se zbulohet një objekt i rrezikshëm me potencial për të goditur Tokën.
“Nuk ka asnjë shans që ky “vrasës qyteti” të godasë Tokën, por qasja e tij e afërt ofron një mundësi të madhe për vëzhgime”, është shprehur shefi i mbrojtjes planetare të Agjencisë Evropiane të Hapësirës, Richard Moissl.
Me një kalim kaq të afërt të Tokës, asteroidi mund të jetë i dukshëm përmes dylbive dhe teleskopëve të vegjël në të gjithë globin.
Një transmetim i drejtpërdrejtë në internet i qasjes së tij do të sigurohet nga Projekti Virtual Telescope.
Objekti parashikohet se do të kthehet drejt orbitës së Tokës sërish në vitin 2026, por shkencëtarët e kanë përjashtuar atë si një kërcënim për planetin edhe në atë rast.
