Suedia për një kohë të gjatë është konsideruar si model për mësimdhënien digjitale. Tani ministrja e Arsimit, Lotta Edholm porosit: “Ne kemi përsëri nevojë për libra në shkolla!” Sepse vetëm mësimi digjital në shumë raste çon në rezultate më të dobëta.
Përpara se të hyhet në mësim këtu në shkollën Lëvestad në Sjëbo në Suedinë jugore thuhet: dorëzoni celularin! Që edhe nxënësit e klasës së katërt tashmë kanë një smartphone nuk është asgjë e pazakontë në Suedi. Prandaj Madelen Sevedsson i mbledh ato çdo mëngjes. Është ora e parë. Matematikë.
Dhe mësuesja ka sot një surprizë. “Sot ju po merrni për herë të parë një libër të vërtetë matematike. Emocionuese, apo jo? Mendova t’jua jepja një herë, në mënyrë që ta shikoni në qetësi. Hidhini një sy. Është fare i ri!”, u thotë ajo nxënësve.
Libra të vërtetë në mësim – pas gati katër vitesh shkollë për këta fëmijë është hera e parë. Deri tani në orët e matematikës ata kanë punuar pothuajse vetëm me laptopë. Pas vetëm pas disa minutash fëmijëve u bien në sy dallimet e para.
Avantazhi është se një libër nuk bllokohet gjithmonë si një kompjuter. Por unë kam vështirësi edhe në të shkruar. Pra për mua bëhet më e vështirë, sepse tani duhet të shkruaj me dorë, thotënjë nxënës.
Të shfletosh përsëri faqe të vërteta. Në shumë klasa në Suedi fillon me ngadalë një kthesë. Sepse edhe nxënësit e shkollave fillore ka vite që mësojnë vetëm në mënyrë digjitale. Para pesë vjetësh autoriteti shkollor rekomandoi në një udhëzues kombëtar që mos të përdoren libra, por mjete mësimore digjitale si Laptopë dhe Aplikacione.
Sistemi shkollor suedez është i liberalizuar. Përveç shkollave shtetërore ka edhe ofrues të shumtë privatë.
Politika arsimore nuk kontrollohet nga qendra. Shkollat dhe mësuesit e trajtojnë mësimin e digjitalizuar në mënyra të ndryshme. Qeveria e tij dëshiron ta ndryshojë tani këtë gjë. Kryeministri konservator i Suedisë Ulf Kristersson i ftoi fituesit e një konkursi leximi në një festë të vogël.
Qeveria e Suedisë ka vënë në dispozicion 60 milionë euro për arsimin vetëm këtë vit./dw/
