Të paktën pesë persona u vranë nga të shtëna me armë në një shkollë në qytetin austriak të Gracit të martën, sipas raportimeve. Disa të tjerë janë plagosur, përfshirë studentë dhe mësues.
Raportet pohojnë se autori i dyshuar i krimit, i cili në këtë fazë konsiderohet të jetë student, ka kryer vetëvrasje. Një operacion policor ishte duke u zhvilluar në rrugën Dreierschuetzengasse, ku ndodhet një shkollë e mesme.
Zëdhënësi i Policisë së Grazit, Sabri Yorgun, tha se forcat speciale ishin midis atyre që u dërguan në shkollën e mesme pas një telefonate të marrë në orën 10 të mëngjesit.
Ndërtesa po kontrollohet aktualisht nga autoritetet dhe publiku është paralajmëruar të shmangë zonën.
Të shtënat ndodhën pak para dhjetëvjetorit të të shtënave në Graz më 20 qershor 2015, të cilat vranë tre persona në një sulm që ka lënë gjurmë në komunitetin vendas për vite me radhë.
Grazi është një qytet me rreth 300,000 banorë dhe është kryeqyteti i provincës jugore austriake të Styria-s.
