Ministria e Brendshme, ka dalë me një njoftim zyrtar sa i takon sulmit të hakerave iranianë mbi sistemin TIMS gjatë ditës së sotme.
Në njoftim thuhet se deri më tani, ishin rikthyer në punë, dy sportele në aeroportin e Rinasit të cilët ishin bllokuar për shkak të këtij sulmi dhe se së shpejti pritet të rikthehen në funksion të plotë edhe sportelet e tjera.
Njoftim i Ministrisë së Brendshme
Në vijim të punës së pandërprerë nga ekspertët tanë dhe ata të vendeve aleate, aktualisht dy sportele në Pikën e Kalimit Kufitar Rinas janë rikthyer në punë me sistemin TIMS. Shumë shpejt do të kemi rikthim të plotë të këtij sistemi në Rinas dhe në të gjitha pikat e tjera kufitare.
