Tajvani ka fituar me sukses luftën globale kundër COVID-19. Ishulli me rreth 24 milionë banorë nuk ka raportuar asnjë rast me COVID-19 për 200 ditë.
Qendra për Kontrollin e Sëmundjeve raportoi për herë të fundit një rast të brendshëm më 12 Prill. Zyrtarët e CDC falënderuan popullin i cili luajti një rol të rëndësishëm , ndërsa u bëri thirrje të vazhdonin të mbanin maska dhe të lanin duart shpesh.
Shumë afër Kinës, origjinës së Sars Cov-2, Tajvani duket se ka menduar më parë për pandeminë. Që në 2003, kur Tajvani u godit nga Sar Cov-1 autoritetet ndërtuan kapacitete të veçanta për t’u përballur me pandeminë.
Ministri i jashtëm, Joseph Wu thotë se sapo Kina raportoi rastet e para me pneumoni, u kuptua se do ishte pandemi. Pikërisht vetëm dy ditë para se Wuhan të futej në izolim më 23 janar, Tajvani mbylli kufijtë për vizitorët e huaj.
Tajvani vendosi në porte e aeroporte një regjim strikt gjurmimi dhe skanimi. abcnews
