Luciano Spalletti do të jetë trajneri i ri i ekipit kombëtar të futbollit të Italisë, tha të premten federata e futbollit të vendit, duke zëvendësuar Roberto Mancinin, i cili dha dorëheqjen më 13 gusht.
Spalletti, 64 vjeç, udhëhoqi Napolin sezonin e kaluar drejt titullit të parë të Serie A në 33 vjet, duke kurorëzuar një karrierë të gjatë në menaxhim klubesh që ka përfshirë periudha në AS Roma, Inter dhe një periudhë pesëvjeçare me klubin rus Zenit St Petersburg.
Federata Italiane e Futbollit tha në faqen e saj se Spalletti do të marrë postin nga 1 shtatori.
“Ekipi kombëtar kishte nevojë për një trajner të madh dhe jam shumë i lumtur që ai pranoi”, tha presidenti i federatës Gabriele Gravina. “Entuziazmi dhe ekspertiza e tij do të jenë thelbësore për sfidat që presin Italinë në muajt e ardhshëm”.
Ende nuk dihen detaje rreth kontratës së Spallettit
