Një 32 vjeçar ka humbur jetën pasditen e sotme në qytetin e Durrësit pasi është qëlluar me armë zjarri. Sipas burimeve bëhet e ditur për “Faxnews” se Jetmir Bregu, 32-vjeç, është qëlluar me armë zjarri këtë të diel, i cili nuk ka mundur tu mbijetojë plagëve dhe ka ndërruar jetën në spitalin e Durrësit.
Në ambientet e policisë janë shoqëruar disa shtetas të cilët ndodheshin në vendin e ngjarjes pranë lagjes së 16 në Durrës.
Nga ana e Policisë janë ngritur disa pika kontrrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit.
Durrës/Informacion paraprak
Më datë 24.01.2021, në orën 17: 20, në lagjen nr.16, Durrës, pas një konflikti të çastit dyshohet se është plagosur në këmbë, me armë zjarri shtetasi J. B., 32 vjeç, i cili ndodhet në spital nën kujdesin e mjekëve.
Në ambientet e Policisë janë shoqëruar disa shtetas të cilët ndodheshin në vendin e ngjarjes.
Nga ana e Policisë janë ngritur disa pika kontrrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit. Ju njoftoj se shtetasi i plagosur J. B., ndërroi jetë në urgjencën e spitalit rajonal Durrës.
Fax
