Një ngjarje e rëndë ka ndodhur në Zvicër, konkretisht në një familje shqiptare nga Kosova, ku vjehrri ka vrarë nusen e djalit, një 24-vjeçare.
Ngjarja ka ndodhur në qytetin Pratteln të Kantonit Baselland.
Mësohet se autori, një 56-vjeçar jetonte në një banesë me djalin 27-vjeçar, nusen e djalit dhe nipin 4-vjeçar. Më pas familja e re ishte zhvendosur në një banesë afër prindërve, ndërsa gjyshja vazhdonte të kujdesej për nipin.
Dyshohet se krimi mund të ketë ndodhur gjatë një përleshje pasi 56-vjeçari kishte plagë në dorë. Ndërkohë, një përfaqësues i familjes ka thënë për blick.ch se “ai mund të ketë vepruar në vetëmbrojtje. Ndoshta nusja e ka sulmuar, pasi edhe ai ishte plagosur, në dorë”. Nuk përjashtohet mundësia që konflikti të jetë thelluar pasi djali i autorit kishte planifikuar pak kohë më parë divorcin dhe kishte marrë një avokat fshehtazi.
real news
