Një nënë nga Oregon qëlloi për vdekje fëmijët e saj, 6 dhe 8 vjeç, përpara se të vriste veten, tha policia lokale.
Dokumentet e gjykatës tregojnë se gruaja do të drejtohej në gjyq muajin e ardhshëm në një mosmarrëveshje të ashpër dhe të gjatë për kujdestarinë me ish-partnerin e saj.
Nëna që vrau veten, Ashley Palmer, 31, kishte kërkuar në gjykatë të paktën dy herë në mënyrë urgjente për kujdestarinë e plotë të fëmijëve, duke përmendur paqëndrueshmërinë e ish-partnerit të saj.
Ajo kishte një armë në shtëpi dhe kishte probleme financiare dhe borxh në rritje, sipas dokumenteve të gjykatës.
Ish-partneri i saj, Jenavie Palmer, ishte planifikuar të merrte fëmijët të martën, ditën kur u gjetën të vdekur, pas disa javësh pa vizitë.
Vetëm disa orë përpara vetëvrasjes, Ashley Palmer i dërgoi mesazh Jenavie Palmer të hënën vonë në mbrëmje një lidhje në YouTube për një listë muzikore të etiketuar me fjalët “nëna, fëmijët, vrasje -vetëvrasje 2022”.
Jenavie Palmer thirri 911 dhe policia iu përgjigj thirrjes dhe shoi tek apartamenti, por nuk hyri dhe i tha që të kontrollonte përsëri në mëngjes.
Të martën në mëngjes rreth orës 7:45 të mëngjesit, oficerët dhe ekipi i krimeve të mëdha të kontesë Lindore gjetën tre persona të vdekur në një apartament, tha Departamenti i Policisë Gresham në një njoftim për shtyp.
Pas hetimeve dhe autopsisë, policia tha se u konstatua se Ashley Palmer dhe fëmijët vdiqën nga plagët me armë zjarri.
Fëmijët u identifikuan nga gazeta si Kayleana Beatrice Palmer, 6 vjeç dhe Xavier Rayvaughn Danger Palmer, 8 vjeç.
