Tre shtetas shqiptarë kishin krijuar bandën e tyre të zhvatësve brenda Qendrës së Paraburgimit të Kretës, aktiviteti i cili vijonte prej rreth 2 muajsh.
Ky informacion ka mbërritur në “veshët” e organeve të vuajtjes së dënimit dhe autoriteteve dhe menjëherë është urdhëruar një hetim në burg, i cili është kryer dje në prani të Prokurorit, shkruan newsbomb.gr. Kontrolle të njëkohshme u kryen në qelitë e Sektorit 2 të katit të parë të burgjeve në Hania.
Në kuadër të hetimeve paraprake dhe me përfundimin e hetimeve, u konstatua se tre shtetasit shqiptarë detyronin të burgosurit e tjerë të toleronin akte, ndërkohë që u siguronin mallra dhe para. Siç rezultoi nga hetimet paraprake, ata u kanë kërkuar tre të burgosurve të tjerë shuma deri në 1000 euro, duke i shantazhuar ata ose familjet e tyre.
Gjithsesi, hetimet në prani të Prokurorit, sidomos së fundmi, janë intensifikuar, çka do të thotë se brenda burgjeve ka raste të ndryshme të rënda, çka bën të menjëhershme ndërhyrjen e autoriteteve.
