Tri vajza të reja të zhdukura janë gjetur me grykë të prera dhe me shenja torture në një varr.
Në vendngjarje kanë mbërritur efektivët e policisë, të cilët kanë zbuluar trupat e tre të rejave. Ato ishin të lidhur dhe gojët e tyre ishin të mbuluara, raportuan mediat në provincën Esmeraldas.
Viktimat, të moshës nga 19 deri në 22 vjeç, quheshin Nayeli Tapia, Denisse Reyna dhe Yuliana Macias.
Ata kishin lënë shtëpitë e tyre në Santo Domingo de los Tsachilas, rreth 84 kilometra (52 milje) larg vendit ku u gjetën, më 4 prill për të shkuar në plazh.
Hetuesit e skenës së krimit thonë se vajzat janë torturuar dhe iu është prerë fyti. Familjarët e viktimave kanë thënë se nuk i njohin miqtë që është dashur të takojnë.
Hetimet paraprake sugjerojnë se gratë u vranë në lokalitetin rural të Malimpia, në famullinë Quininde, më 5 prill. Hetuesit thuhet se kanë identifikuar një makinë me qira që dyshohet se i çoi të rejat në vendin e krimit.
Tezja e Julianës, Paulina Rueda, tha për mediat lokale: Gjithçka që duam është drejtësia dhe nëse publiku e di, ata duhet të raportojnë se kush është përgjegjës për këtë krim të tmerrshëm.
Krahas kufomave, punonjësit e policisë gjetën edhe një celular, i cili shpresojnë t’i ndihmojë në zbardhjen e rastit.
Viktima Nayeli, 22 vjeçe, u rrit në Santo Domingo de los Tsachilas, por jetonte në Quito. Ajo punonte si modele. Yuliana, 21 vjeçe, ishte studente muzike dhe performonte me grupin Las Diablitas. Denis, 19 vjeçe, po studionte për Inxhinieri Bujqësore në Universitetin Teknik Shtetëror të Quevedo.
Viktimat u varrosën më 9 prill.
