Policia në Mitrovicë ka arrestuar një person i cili ka qenë në veturë me një vajzë nën moshën 16-vjeçare. Rasti ka ndodhur mbrëmjen e së hënës në Mitrovicë, ka bërë të ditur policia në raportin 24 orësh.
Sipas policisë, viktima ka deklaruar se me të dyshuarin ka pasur marrëdhënie seksuale, me dëshirë.
Rasti është iniciuar si “Dhunim”, ndërkaq i dyshuari është dërguar në mbajtje për 48 orë.
Njoftimi i Plotë:
“DHUNIM-Mitrovicë 26.10.2021 – 20:00. Është arrestuar i dyshuari mashkull kosovar i cili nga njësiti policor është ndaluar derisa kishte qenë duke e drejtuar veturën në të cilën veturë kishte qenë e mitura viktima femër kosovare nën moshën 16 vjeç. Viktima ka deklaruar se me të dyshuarin me dëshirë kishte pasur marrëdhënie seksuale. Me vendim të prokurorit i dyshuari është dërguar në mbajte për 48 orë”, bëhet e ditur në raportin e policisë.
