Udhëheqësi i Al-Kaedës, Ayman al-Zawahri, në një video të regjistruar paraprakisht për të shënuar 11 vjetorin e vrasjes së paraardhësit të tij Osama Bin Laden tha se “dobësia e SHBA-së” është arsyeja pse Ukraina u bë “pre” e pushtimit rus, sipas la repubblica.
Fjalimi prej 27-minutësh u publikua të premten.
Al-Zawahri shfaqet i ulur në një tavolinë, me libra dhe një armë. Duke nxitur unitetin e myslimanëve, ai thotë se Shtetet e Bashkuara janë dobësuar duke përmendur ndikimin e luftërave në Irak dhe Afganistan pas sulmeve terroriste të 11 shtatorit
Bin Laden u vra në një bastisje të vitit 2011 nga forcat amerikane në një strehë në Pakistan.
Nuk dihet se ku ndodhet al-Zawahri; ai kërkohet nga FBI, e cila ka ofruar 25 milionë shpërblim për ata që japin informacione për kapjen e tij.
/abcnews.al
