Situata e përmbytjeve në Durrës po shkon drejt përmirësimit, pasi uji është tërhequr nga shumica e zonave të prekura.
Megjithatë, dëmet materiale janë të konsiderueshme. 14 persona, pjesëtarë të tre familjeve e kanë kaluar natën e kaluar në Shtëpinë e Pushimit të Ministrisë së Brendshme.
Ndërkohë ekipet e emergjencave, ushtria, AKMC, zjarrfikësit dhe punonjësit e bashkisë janë angazhuar intensivisht në pastrimin dhe largimin e ujit nga banesat. Ndërkohë, grupet e ngritura po kryejnë verifikimin e dëmeve në objektet e prekura. Deri më tani, sipas Bashkisë, është përfunduar vlerësimi në 100 banesa dhe procesi po vijon për të tjerat.
Ndër zonat më problematike mbeten ish-këneta, Shkozeti dhe Plazhi, ku ende ka prezencë uji në banesa dhe në disa rrugë.
Sipas prefekturës së qarkut Durrës, për të ndihmuar familjet e dëmtuara, Drejtoria e Rezervave Materiale të Shtetit ka nisur mbrëmë shpërndarjen e ndihmave ushqimore.
Top Channel
