Një moment i çuditshëm ishte ai që kaloi Joe Biden gjatë një eventi të zhvilluar në Shtëpinë e Bardhë. Presidenti i SHBA-së qëndroi i ngrirë për disa sekonda, ndërkohë që personat e tjerë rreth tij, përfshirë dhe zv. presidenten Kamala Harris po kërcenin.
Biden po qëndronte në këmbë ndërsa Harris po kërcente nën ritmin e muzikës. Presidenti ishte i palëvizshëm në filmim për rreth 20 sekonda përpara se vëllai i George Floyd, Philonise, t’i vinte krahun.
Vitin e kaluar, Biden u rrëzua në ceremoninë e diplomimit të Akademisë së Forcave Ajrore. Në shkurt, presidenti 81-vjeçar ngatërroi liderët e Meksikës dhe Egjiptit ndërsa i mbajti një fjalim të rrëmujshëm kombit pasi doli se ai nuk do të përballej me akuza penale për ruajtjen e dokumenteve sekrete.
Top Channel
